SHabab***********21

بدون عنوان

2011-04-02T18:51:00.003+02:00

حبيبتي...

ياكلمه عايشه جوايا

أنا بحضن حروف إسمك

وجوه القلب من جوه .. أنا راسمك

عشان لما إنتي توحشي قلبي

يوصلك كده بسرعه ومايتعبش

كفايه عليه ده داب فيكي

عشان يوصل حدود قلبك ولسه برضه ماوصلش

إحساس جديد وياكي وبس حسيته

إحساس كأن العمر تاه مني

ومعاكي بس أنا لقيته

ما أنا عمري اللي قبلك فات

ده وقت وعدى ونسيته

وعمري اللي بعدك جاي

هعيشه لجل ما تكوني

حياته ودنيته وبيته

أنا بحلم أعيش أنا وإنتي وحدينا

ونرسم دنيا بإيدينا

نعيش فيها وتعيش فينا

لو أزعل عليكي أجري وأحكيلك

ولو كانت شكوتي منك

أفضفض ليكي وأشكيلك

وبتمنى ..!؟

أكون ضحكه .. تشيل الهم من قلبك

أكون شمعه .. في وسط الليل تنورلك

أكون فرحه .. تعيش جواكي وفي حضنك

أكونلك أم .. أكونلك أب

أكونلك حب .. يحلي الدنيا في عيونك

أنا بتمني أكون ليكي

ماكونش في يوم بتاع غيرك

ونفسي بس لو مره تحسيها

لأني بجد وحقيقى ومن قلبي

بحبـك مـــوووت

ضـــاع هـوانـــــا

2010-12-21T23:11:00.006+02:00

ضـــاع هوانـــــــا

ومابقتش عارف لسه فاضل منه إيه؟

اللي فات والذكريات..!!؟

مافتكرش هو ده اللي إحنا ياما حلمنا بيه!؟

ولا إنتى حتى نسيتي كنــا بنحلم بإيــه؟

حلمنـــــــا؟؟

كــان شمعه بتنور طريق

كــان ضحكه تطلع وقت ضيق

كــان بدايه لدنيا نعيش فيها وبحق وحقيق

وآدى النهــايــــه

حلمنا .. بقى أشه بتعلق غــريـــق

يا حبيبتى

سيبى نفسك وإبعدي

إنسيني وإمشي في سكتك

الأشه..مش ممكن في يوم راح تنقذك

أنا من سنيـــن .. وأنا لسه واقف مطرحى

وبقيت بحس الدنيا دي لا هي ليا ولا مره كانت مسرحى

يا حبيبتى

وإنتي جنبى مش هييجي اليوم وتفرحى

ومهما ألف

مش هجيبلك غير بكره ضايع مافيهوش حياه

بكره لف بحــور وتـــــــاه

بكره متعلق في خـوفـــه

مارجعش حتى في طوق نجــــاه

ده أنا حتى خايف مره أقابلك

خايف جوه عيني تشوفي حبك

ما إنتي عارفه مستحيل أنساكي قبلك

وإن مره جت ياحياتي سيرتك

مش هفتكر غير كل حاجه حلوه منك

هفتكر لما بإيدي حضنت إيديكى

هفتكر فرحه طلت من عينيكى

فرحه عملتهالك بدبله من ورق

وماجاش في بالي إن الورق بسهوله ممكن يتحرق

وإن اللي فات من عمرنا

والحلم اللي عاش بيضمنا

ممكن في لحظـه نلاقيه غــرق

والنهــايــــــه

ضــاع هـوانـــــــــا

ومابقتش عارف لسه فاضل منه إيـــه..!؟

الحياة قطار يسير ويقف في محطات ..فإختر ..!؟

2010-12-11T22:07:00.004+02:00

مضت فتره طويله منذ كتبت أخر مقال في مدونتي الصغيره..ولكن طوال هذه الفتره كانت لي محطات في حياتي جديره بأن توقفني عن أي شئ مهما كانت أهميته.
كثير من العمل كثير من الإرهاق كثير من الألم البدني والنفسي ,, فقدت أشياء جميله وأنتظر رجوعها في يوم من الايام .. وأشياء أخري لا أنتظر رجوعها فقد راحت بغير رجعه ولم يبقي غير الذكريات الجميله والألم حسرة على ضياعها للأبد.
ولكن تلك هي الحياة تأخذ منا بقدر ما تعطينا أو أكثر,,أبدا لن تعطينا بلا مقابل فالجود ليس أحد طباعها ولكن المقايضه هي كل ماتعرف!؟
بعد الجامعه يتغير كل شئ ,, تتغير الحياة بكل معانيها ,, ويبقى سؤال وحيد هو...
إلى أيـــــــــن!!!!؟
من أين أبدأ ... وكيف ستكون النهايه؟؟
ولكن الأن وبعد عام كامل تقريبا ... أدرك تمـامــــا أن الحياه داخل تلك الأسوار التي أحيانا كانت تحدد أحلامنا وطموحاتنا وتقيد إنطلاقاتنا, تلك الحياه كانت أفضل بكثير من الحياه بالخارج .
لست متشائما ولكن فهي حياه خاليه من المسئوليه ومسموح لك بالخطأ فأنت لازلت طالب تتعلم ,, فإغتنم هذه المرحله جيدا.
وأخيرا ... نصيحه لكل من يمر من هنا !
إستمتع بيومك فلا تنتظر أفضل مما أنت فيه الأن فالغد يعتمد على ما تقوم به ... وكل يوم يمر عليك تزيد أعباءك ومسئولياتك وتتخلي الحياه عن بساطتها وترتدي ثوب التعقيد ويزداد تعقيدها كل يوم أكثر فأكثر.
الحياة : قطار يسير ويقف في محطات ,وفي كل محطه سيتركك أحدهم لأن هذه المحطه هي الأنسب له أو لأنه لم أضاع وقت الإختيار وبات مرغما على النزول...
وفي النهايه أنت أيضا ستنزل من ذلك القطار وتترك أحدهم خلفك , لذا فحاول أن تنزل في المحطه الأنسب إليك ولا تنزل منه مرغما ...
إختر المحطه التي تجد فيها من تحب وتريد أن تكمل معه حياتك ,
إختر المحطه التي تجد فيها العمل الذي يشبع طموحاتك ,
إختر المحطه التي تحقق فيها كل أحلامك.

إحـســاس

2010-02-03T21:12:00.014+02:00

مهما نسافر

مهما نسافر..

أو نغيب ونبتعد..

حبى أنا شيئ سيبقى للأبد..

قلبى يسافر في عيونك دائما..

ويكون أقرب مايكون إذا بعد..

نفس المشاعر بيننا..

لو صرتِ في بلد وقلبى في بلد..

فالحب في الأرواح يسكن دائما..

من قال أن الحب يسكن في الجسد...!؟

حتى وإن متنا وأصبحنا تراب..

فأنا وأنت في التراب سنتحد.

غنوة من بني سويف

كل الحكاية دمعة حزينة فوق الخدود نازلة بتجرح

صاحبتها اميرة حلوة وجميلة وسط الهموم مش قادرة تفرح

لامتي هتبكي ولمين هتشكي ان الورود شوكها بيجرح

فارقها حبيبها واهو ده نصيبها انه يغيب من غير ما يشرح

ليه هو مسافر وازاي علي البعد قادر وراضي تدبل ورودها وامتي تاني هتطرح

عاشت الاميرة وحيدة في قصرها بذكريات غرامها وحبها

خطت طريق من غير صديق حتي حبيبها جرحها وضلها

ياحب عمري وعشقي في غربتي ياللي هواكي نصيبي وقسمتي

راجع لقلبك مشتاق لحبك وازاي هغيب وانتي دنيتي

عمري ماهقدر اجرحك وتبقي حزينة

ولا يوم هتنزل دمعتك زي الاميرة

ولا يوم هتبكي ولا يوم هتشكي

حتي الورود دايما هتطرح

للـحـب قــانـــون..!

2010-01-19T20:35:00.007+02:00

أجمل حكايات الحب هي تلك التى إنتهت بأسوأ النهايات..

وكأن للحـب قــانــون تماما مثل قوانين الطبيعة والجاذبيه.

فقط ركز للحظة وتذكر ..دع قصص العشاق تتوالى أمام عينيك.

قيس وليلى , عنتر وعبلة , روميو وجولييت , حتى أكثر الأفلام الرومانسيه التي إستمتعنا بها ولاقت نجاح كبير

وهو فيلم تيتانك ..جميعنا يعرف نهايته التي أقل ماتوصف به أنها كانت مأساويه.

كل هذه القصص والحكايات التى ظل التاريخ يذكرها وترسخت في قلوبنا قبل عقولنا ,, كلها تشترك في شيئين هما الحب والفراق..ومهما إختلفت أسباب الفراق ...فالنهايه واحده والفراق دائما واحد.

نعم للحب قــانـــون , فكلما زاد الحب كلما إقترب الفراق..

وعلينا أن نرضى بهذا القانون فهو ثابت لا يتغير.

حتى كيوبيد إله الحب كما تذكره الأساطير اليونانيه , نراه دائما ممسكا بقوسه ليطلق سهمه دائما في قلب العشاق,ليته أطلقه في قلب الفراق ليته يبعد تلك السهام عن الحب والعشاق ..؟

وأخيرا فإن للحب حكايات أجملها ,,ينتهى دائما بأسوأ النهايات.

وهذا جزء من قصيدة كتبتها قد تكون مناسبه في هذه التدوينه:

أنا وياها كان ليَّا كتير أحلام ..

مليتها بحب وبأشواق ..

دى دقة قلب ورعشة جسم ..

لو مره شفتها أو مره سمعت الإسم ..

ماهيش كلمه ..ماهيش سهله عاللسان تنقال .

ولا حدوته بحكيها ولا ذكرى بالساهل أمحيها ..

ده وقت وعدى من عمرى ..

ده قلب وحَب ..

وياريت الحب ده بأمري..

ده كان قدري وماليش يد أنا فيه .

أحيانـا لا تكفى الكلمـات

2010-01-11T21:24:00.006+02:00

أحيانا ننجرف وراء مشاعرنا .. نحاول أن نأخذ أكثر مما هو حق لنا ...

ليس فقط لأننا نرى أن سعادتنا ستكون في ذلك الشئ ... ولكن لأننا نرغب دائما في المزيد

فبعد الإعجاب يأتي الحب وبعد الحب يأتي العشق وبعد العشق... لا أدري..؟ ولكننى واثق تماما أن هناك ما هو أكثر من العشق.

فتلك الرغبة التي تدفعك للإقتراب منها ولمس يديها إنما هي رغبه في المزيد .. مزيد من الذكريات التى تشعرك بالدفء فأنت تعلم جيدا أن هذه اللحظه لن تتكرر ..لكنك ستظل تتذكرها مهما حييت , ولأنك لا تريد أن تتذكر فقط تلك الكلمات التى نطقت بها قلوبكم قبل أفواهكم , فأنت تريد أن تشعر بتلك الرعشة البارده التى إمتلكت كيانك بعد لمسة حب من يديها. نعم ! أحيانا لا تكفى الكلمات.

ولكن ماذا يحدث بعد ذلك وما هذا الشعور الذي يضرب بك فلا تجد غير الصمت . الصمت والتفكير... في كل نظرة وكل لمسه .

لماذا هذه الحيره التى تتملكنا لهذا الحد.. لماذا نتوجع هكذا من أعماق أعماقنا .؟

أهى ضريبة الذكريات ؟؟

هل نحاول أن نبرر كل ما فعلناه ..ومهما بحثنا عن ذلك الشئ الذي يبرر ما حدث ..لم نجد ولن نجد!!

لأن المبرر الوحيد لكل ذلك : أني كنت سعيد وأنا أفعله كنت في قمة السعاده..حتى أنني نسيت الزمان نسيت المكان.

فقط أحاول أن أشعر جيدا بتلك اللحظه .. فأنا أعرف أنه لن يتبقى من كل هذا إلا الذكريات.إذا سأشعر بذلك جيدا سأشعر به بكل جوارحى لكي أستعيده حين أحتاجه ...فعاجلا أم آجلا سأفتقد ذلك الإحساس ولست واثق أنني سأشعر به مرة أخري ..فلتكن هذه المره وليحدث ما يحدث.

ورغم ذلك فأنا لازلت أشعر بهذا الألم الذى لن يتركنى حتى يتخلص كلانا منه .

فنصف الألم عندي . والنصف الأخر هو ذلك الإحساس بأنني كنت سببا لجعلها تتألم

فأبدا لم أتمنى ذلك. بل كنت أحلم دائما أن تتذكرني فيذهب عنها الهم والألم.

لم أشعر بالحب تجاه تلك الدمعه التي كانت تترنح في عينيها, كحبة اللؤلؤ لكني لأول مره كرهت شيء فيها.

كرهت تلك الدمعه لأنني كنت السبب فيها.

أعتذر إن كان في إعتذارى لها راحه.!؟

وسأنتظر أن يأتى اليوم لألقاها وأهمس في قلبها. وأخبره أنني مهما حييت ..أبدا لن أنساها.

عـن الـحـــب .. قــالــوا

2010-01-10T22:00:00.002+02:00

*معك‏:‏ اضيع‏ .. من غيرك‏:‏ اشتاق الي ان اضيع‏ !

*لاتخف‏:‏ إنني أحمل قلبك في قلبي‏

*عندما يصبح انتظاري لك ..هو انتظاري لي ..ستكتشفين حقيقة الحب!

‏*سقطت من عيني دمعه في البحر‏,‏ إن وجدوها فسوف اتوقف عن حبك‏

*الحب كالرمل في يدك ‏..‏ اذا اقفلت اصابعك عليه برفق بقي في بطن يدك‏,‏ وان ضغطت عليه هرب من اصابعك

*الحب الحقيقي : هو أن تحب الشخص الوحيد القادر على أن يجعلك تعيسا

*الإهمال يقتل الحب ، والنسيان يدفنه

*الحب كالقمر له وجهان: الغيرة هي الوجه المظلم

*الحب يقضي على الكثير من الآلام لأنه أعظمها

*الحب ليس هلوسة ولكن فيه الكثير منها

*الحب يجعل الزمن يمضي والزمن يجعل الحب يمضي

*الحب أن تفنى في شيء ... والموت أن يفنى فيك شيء

*الحب الحقيقي هو الذي تحس به بعد فوات الأوان

*الذين أحبوا بقوة ، لم يحبوا من أول نظرة

*المحب لا يجوع . والجائع لا يحب

*الندم لمن عرفوا الحب والأسف للذين لم يعرفوه

*اللعبة الوحيدة التي يشترك فيها اثنان ويكسبان أو يخسران معا...الحب

*الحب هو أجمل سوء تقدير بين اثنين

*حبنا لشخص لجماله ليس حبا ، ولكن عندما نحبه رغم عيوبه .. فهذا هو الحب بكل تأكيد

*الحب كالحرب من السهل أن تشعلها..ومن الصعب أن تخمدها

*لا تطلب من المرأة ان تحبك .. اجعلها تحبك .

*في الحب خطابات نبعث بها وأخرى نمزقها وأجمل الخطابات هي التي لا نكتبها.

20 كــلـمـــــه

2010-01-07T18:21:00.010+02:00

1- الدبله أصغر ( كلابش ) فى العـالــم.

2- الواحد لو مالقاش واحده يحبها ,, هيحب أي واحده يلاقيها.

3- الست دايما بتقع في الراجل المزيف ,, والراجل بيجتهد عشان يبقى كده.

4- الطلاق بيكلف كتيـــر ,, عشـــان الغالى تمنه فيه.

5- الجواز مش إنك تربط نفسك بواحده ,, الجواز إنك تتحرر من ستات كتيــر .

6- الحب حلم جميـل , والجواز منبـه بصوت بـقــــره .

7- الست اللي ما بتشتغلش ,, فايتها كتيـــــر من التحرش الجنسى .

8- البطاله الحقيقيه ,, تبدأ عندما تصبح موظف .

9- الجواز شركه ,, بس مين ده اللي نفسه يعيش في شركه .

10- الناس اللي بتخاف من الموت ,, مسيرها تموت من الخوف .

11- إنت طفل لمرة واحده في حياتك ,, بعدها عليك أن تبحث عن أعذار جديده .

12- الواحد بينزل من بطن أمه يعيط بحرقه ,, ولما يكبر بيعرف هو كان بيعيط ليه .

13- الصبر ,, الحاجه الوحيده اللي لازم تستعجل وإنت بتتعلمها .

14- إستمتع بالحاجات الصغيره ,, بكره هتعرف إنها كانت كبيره .

15- الواحد من صدمته لما بيتولد ,, بياخد وقت على ما ينطق .

16- الشخص التقليدى يرى أن الحياه عباره عن طريق واحد : يبدأ بالميلاد وينتهى بالموت ,, غير التقليديون يسيرون في باقى الطرق الأخرى .

17- الست زي الرزق ,, الحلال فيه بركه والحرام مسيرك هتدفع تمنه.

18- لا تنزعج إذا إكتشفت أنك محدود الذكــاء ,, للذكاء حدود لكن الغباء هو الشئ الوحيد الذى لا حدود لـه .

19- الفستان الحلو هو اللي يخلى الراجل يحلم إنك تقلعيه .

20- مشكلة الحب ,, إن عمره ما جه في وقته .

نقلا عن الكاتب عمر طاهر "كتاب جر نــاعـــــــم"

Happy New Yaer 2010

2010-01-07T18:03:00.005+02:00

"سنـه جـديـــده ... بـدايـــه جـديــــده"

غيَّــر تفكيــرك .. غيَّــر حياتـــك

2009-12-29T00:18:00.008+02:00

جلس رجل أعمى على إحدى عتبات عمارة واضعا قبعته بين قدميه وبجانبه لوحة مكتوب عليها:" أنا أعمى أرجوكم ساعدوني ". مر رجل إعلانات بالأعمى ووقف ليرى أن قبعته لا تحوي سوى قروش قليلة فوضع المزيد فيها. ودون أن يستأذن الأعمى أخذ لوحته وكتب عليها عبارة أخرى ، وأعادها مكانها ومضى في طريقه. لاحظ الأعمى أن قبعته قد امتلأت بالقروش والأوراق النقدية، فعرف أن شيئا قد تغير وأدرك أن ما سمعه من الكتابة هو ذلك التغيير فسأل أحد المارة عما كتب عليها فكانت الآتي:" نحن في فصل الربيع لكنني لا أستطيع رؤية جماله"

غير وسائلك عندما لا تسير الأمور كما يجب...غير خطتك إذا سارت الأمور عكس ما ترغب.
وليكن شعارك قوله تعالى"إن الله لا يغير ما بقوم حتى يغيروا ما بأنفسهم"

الـديجــافـو

2009-12-06T18:36:00.006+02:00

عندما نكون مجتمعين بين العائله, الاصدقاء,أو حتى عندما نمشى فى مكان
عام.
نشعر بأن هذا الموقف أو المكان قد مر بنا من قبل, نفس الكلام.. نفس
المكان.. وحتى نفس الحديث..!؟
بعدها نبدأ بإسترجاع الماضى والتذكر وطرح الاسئله..متى مر بنا هذا الموقف
ربما في الحلم أو قد تكررت نفس الاحداث ؟

ولا تبالي اذا قلت هذا الشيء أمام الجميع
لانك في حينها تكون متأكد بانك مررت بهذا الموقف من قبل..!
تلك الظاهره تسمى بالديجافو فما هى وما أسبابها ؟
الـ ديجا فو هى كلمة فرنسية تعنى "تم رؤيته سابقاً"..
و هى أيضاً الإسم الشائع لظاهرة غريبة يمر بها 70 % من البشر بمتوسط سن 15-25 سنة...
تلك الظاهرة التى نشعر خلال حدوثها بأن كل شيئ حولنا, كل التفاصيل و الكلمات و الوجوه و الحركة حولنا; قد حدثت سابقاً.।لكن متى أو أين ؟ لا نستطيع تذكر هذا ؟ فقط نملك هذا الشعور الغامض بأن كل هذا حدث سابقاً..
بل أن الظاهرة فى بعض الأحيان تستمر للحظات تتيح لنا معرفة ما سيحدث بالثوانى القليلة القادمة
كأننا "نتذكر" المستقبل...نعرف ما سيحدث لأنه جزء مننا...من ذكرياتنا !!
و حتى الأن لم يجد العلماء أى تفسير مقنع لتلك الظاهرة...لكنهم أستطاعوا على الأقل تكرارها بواسطة التنويم المغناطيسى.

وقد صنفوا أنواع تلك الظاهره إلى ثلاثة أنواع هي

Deja vecuتم رؤيته سابقا

Deja sentiتم الشعور به سابقا

Deja visiteتم زيارته سابقا

Deja vecu
تلك هى أكثر الحالات شيوعاً...فمعظم البشر مروا بها خصوصاً خلال السن ما بين 15 إلى 25 سنة
لأن بهذا السن يكون العقل ما زال قادر على ملاحظة التغييرات البسيطة فى البيئة من حوله...
و عادة يكون الحدث الذى مر بنا حدث غير مهم إطلاقاً...ربما يكون حدث يتكرر يومياً
لكننا نقف عنده بأحد المرات لأنه مختلف تلك المرة...يوجد شعور داخلى أنه يتكرر بصورة كاملة
كما أننا عندما نمر بهذة الحالة نتذكر الحدث جيداً بعد ذلك بالرغم من كونه حادث طبيعى
منذ وقت قريب جداً حدث هذا مع أحد أصدقائى...
قال لى...
عندما كنت أتحدث معك قلت عدة جمل شعرت أنى سمعتها سابقاً...
بنفس الشكل و بنفس التفاصيل لكنى لا أتذكر متى أو أين...لكنى سمعتها سابقاً
و طبعاً كنت واثق من أنى لم أقل تلك الجمل سابقاً...خصوصاً أن معرفتى به لم تتعدى الشهر الواحد بعد
تلك الحالة التى بالتأكيد مر بها أغلبكم

Deja senti
يختلف هذا النوع عن الـ Deja vecu فى أنه حدث عقلى أو فكرى و ليس حدث حقيقى...
كما أنه لا يوجد به جانب "توقع ما سيحدث بعد لحظات" كما أنه نادراً ما يبقى بذاكرتنا بعد ذلك.
بهذا النوع لا تكون هناك حولنا أحداث نشعر أنها تتكرر...فقط نفكر ببعض الأفكار أو نحس بشيئ ما
و نشعر أننا فكرنا بتلك الأفكار أو أحسسنا هذا الشيئ سابقاً
فمثلاً تبدأ الحالة بصوت شخص ما حولك أو بجملة قرأتها بكتاب أو حتى بأفكار ما...
و هنا تفكر بشيئ ما حول تلك الجملة أو هذا الصوت أو عن تلك الأفكار...
ثم تشعر أن هذا التفكير حول الجملة أو غيرها قد فكرت به سابقاً...أن تلك الأفكار مرت بعقلك سابقاً
و لكن بعد دقيقة لا تستطيع تذكر السبب الذى بدأت به تلك الأفكار
سجلت الكثير من الحالات المشابهة شعر بها مرضى الصرع بشكل خاص

Deja visite
تلك هى أندر و أقل الأنواع إنتشاراً كما أنه نوع غريب جداً...
بهذا النوع يستطيع المرء معرفة طريقه خلال مدينة يزورها لأول مرة مع معرفته أن هذا مستحيل
فبالرغم من أنه لأول مرة يزور هذة المدينة لكنه يعرفها و يعرف شوارعها و طرقها !!
قدمت العديد من التفسيرات الغير طبيعية لتلك الظاهرة...
و ربطها البعض بظواهر كتناسخ الأرواح "إنتقال الروح بعد موت الجسد لجسد أخر و حياة أخرى"...
و البعض الأخر ربطها بالأحلام أو الخروج من الجسد "ما يطلق عليه عادة الإستبصار و إن كانت تسمية خاطئة"

و من أشهر مثال لتلك الحالة هو ما حدث لـ Nathaniel Hawthorne...
فقط أستطاع أن يحصل على قطعة ورق كانت موجودة بداخل قلعة بأنجلترا...
فبعد هدم القلعة أستطاع أن يجد تلك الورقة التى كتبها ألكسندر بوب قبل 200 عام من هذا الحدث !!

و لكن...ما السبب ؟
فى الحقيقه هناك عدة تفسيرات لتلك الظاهره ولكنى اكتفيت بذكر اكثرها منطقيه

التفسير الاول
يرجع ذلك بانك خلال تواجدك في هذا المكان اوالموقف يترجم الاحداث الى
اشارات في الاعصاب فترسل الاعصاب هذه الاشارات اللى مركز الذاكره القصيره (short
memory) ليتم حفظها هناك ولكن هي جزء من الثانيه قد ترسل الاعصاب نفس الاشارات الى
مركز الذاكره الطويله (long memory) بالخطأ فنشعر بان هذا الموقف قد مرنا بنا
من قبل……!!!

تفسير آخر
يقول أن سبب هذه المسألة هو عملية نقل المعلومات عبر الشرايين الى المخ …
فحين تتعامل مع موقف ما يتم نقل المعلومات الى صدغي المخ الايمن والايسر ,
ويحدث أحيانا ان تصل المعلومة الى الصدغ الايمن قبل الايسر فتكون حاضر بالنسبة
لهذا الجزء من المخ (قد وقع ) بينما يجدها الجزء الاخر من المخ غيبا (لم يقع بعد )..أنت في حالة إرتباك حينها متصورا أن هذا المشهد قد عشته من قبل।!؟

تفسير آخر
تفسير يقول : أن مخ الانسان ينقسم الى قسمين ونرى كثيرا أن شخص ما يصاب في حادث بإصابه في الجزء الايمن للدماغ وتسبب له هذه الاصابه الشلل النصفي للجانب الايسر للجسم والعكس اذا اصيب الجزء الايسر من المخ تسبب الشلل للجزء الايمن من الجسم .
الادراك... الانسان بطبعه يدرك الاماكن أو الاشياء بكل الجزئين تعمل مع بعضها …
إذا حدث أن إشتغل أحد الاجزاء قبل الاخر . يرى المكان أو الموقف لكن لايكون ملم بكل صفاته
يعمل الجزء الاخر فتكتمل عنده الصوره ويرى الجزء الاول الخصائص التي لم يرها بمفرده ويكون الجزئين في سباق ليتم دمج العمل مع بعضهم البعض فيرى الجزء الثاني أن هذا المكان قد سبق أن شاهده وهذا صحيح أنه شاهده بواسطة القسم الاول وكل هذا العمل في أجزاء بسيطه من الثانيه ..سبحان الله.

وحشتـنــى

2009-11-12T18:33:00.005+02:00

تسوى إيه كلمة بحبك

وأنا لسه ليك ما قلتهاش

وإزاي يا عمرى دموعى تنزل

وبإيدك إنت ماتحوشهاش

ده أنا قلبى يوم ما مات في حبك

ساعتها بس حسيته عاش

إرسملى بيت في عينيك وسكن روحى فيه

إفتحلى باب جوه قلبك ودفيني فيه

يا أحلى كلمة قلتها

بحبك .. بحبك...ماتقولش ليه

يا أحلى حلم في حياتى حلمت بيه

حياتى لو مش ليك ، أنا أعيشها ليه

وتبقى إيه لازمتها إيه ...؟

كلام كتير جوايه ؛ كان نفسى أقوله ليك

كلام نسيته لما جت عينى في عينيك

مش فاكره منه غير كلمه واحده

وحشتنى

ودي مستحيل توصف أشواقى ليك

وحشتنى حتى لو في عينيه صورتك

وحشتنى مع إن عمرك مافارقتنى

ولغاية ماحبى جوه قلبك يتبنى

ولغاية ماعمرى ينتهى

هفضل أقولك وحشتنى

وآه من حبى ليك وعزابى بيك

وآه من كلمه جوايه ونفسى أقولهالك

وتبقى خلاص على لسانى

لكن برجع أوام تانى

وبتردد

وألاقينى بقول إزيك وأحوالك

مع إنى والله عرفاها وحفظاها أكتر كتير منك

لكن مش عارفه ليه خايفه أقولهالك

أنا بحبك

بقولها عشان أرتاح

بقولها ومش عاوزه أعيش في جراح

ما أنا عمرى اللي قبلك راح .. ماعشتوش !!؟

ومش عاوزه اللي جاي يضيع

أنا بحبك

كلمه وأدينى خلاص قلتها

ومش عاوزاها ترجعلى تمام زيها

ده أنا بتمنى ترجعلى

بحبك موت..!؟

وحــوى يـا وحــــوى

2009-09-05T21:19:00.005+02:00

زينة الشوارع و الفانوس الكبير , انتظار الرؤية , رسايل التهاني و المكالمات , فانوس رمضان , القطايف و الكنافة , ترتيب السفرة , العزايم , موائد الرحمن , السحور , ريحة الأكل واحنا صايمين , صلاة التراويح و المساجد على آخرها , المسحراتي , التمر . الخشاف, قمر الدين , بعيد عن الأغاني و المسلسلات و الخيم , شنط رمضان , آخر عشر أيام , الجدال حول ليلة القدر , صواني الكحك , التكبير, آذان صلاة العيد , توزيع الألعاب على الأطفال الي راحوا الصلاة , زيارة الأقارب و رسايل المعايدة ....و .. و ... و ...كل سنه وإنتوا طيبين

مـاكـنتش حـــــر

2009-01-30T22:21:00.013+02:00

إنــي أبقى وراكي زي الضل
إنــي أشرب في هواكي كاسات الذل
إنــي أزرع في الوهم جناين فل
كل ده عادي ومايهمش
ما أنا عارف إن اللي يحب...لازم برضه يدوق المر
ومع إن اللي عملته معاكي كان بإرادتي
لكـن برضه ماكنتش حر

من أول مرة شفتك فيها وأنا وياكي في أحلى عذاب
قلت أجيلك , قلت أحكيلك عاللي شاغلني
لقيتني بقولك أي كلام
يمكن خفت أقرب منك
يمكن خفت أفوق من وهمي ...وألاقيكي سراب !؟
وحاولت كتير ألفت نظرك
جايز ماقدرتش , لكن عمري في يوم ما يأست

وأما عيونك قابلت عيني
وحسيت وقتها إن أنا ليه مكان في حياتك
جيت وحكيتلك عاللي في قلبي
جيت ولقيت في كلامي معاكي شئ خلاني أتمسك بيكي
وساعتها لقيتني بدأت أفكر
ازاي منك أقرب أكتر

وبيني وبيني خلاص قررت
همشي وراها وأعرف هي منين بالظبط
كانت هي وواحده كمان قدام عيني
وأنا وياها على نفس الخط
كنت وراها زي الآله رجل تشيل ورجل تحط
ولما لقيتها أخدت بالها إني وراها... إتلخبطت
إذا كنت أنا أصلا لما بشوفها بعيد... بتخض
وكل ماتيجي عيوني في عينها ألاقيني بعدت
لكـــن كملت..
وأديني عرفت هي منين.

لكن يومها وبعد مامشيت ... لقيتني سرحت
وف أحلامي مشيت ورا منها لغاية البيت
سامع صوتها جوه البيت وكل شويه الصوت بيقرب
بيني وبينها خلاص الباب
دي باين سمعت صوت الخبط ... وجايه هتفتح
حاولت أوقف صوت الخبط
بس إزااااي !؟
وصوت الخبط ده مش عالباب
ده صوت النبض
وإزاي بس هوقف قلبي وهو معاها

لكن قبل ماتفتح هي الباب..كنت صحيت

ومن أحلامي أخيرا فقت

وعدى علينا يوم وإتنين

وأديني عرفت الإسم كمان

حتى ياسيدى أول حرف في إسمها..شين

حــاضر هنســـاك

2008-09-03T02:52:00.007+02:00

حاضر هنساك
هنسى سنين فاتت وياك
هنسى الحب والاشواق ولهفة الاشتياق
هنسى دموعك وهى بتشكي
هنسى عيونك وهى بتحكي
هنسى أجمل عمر ضيعته وأنا بهواك
حاضر هنســــاك
لكن مش هقدر أنسى جرح الفراق
مش هقدر أنسى قسوتك وغدر الملاك
أيوه غصب عني كنت بشوفك ملاك
وكنت بقول لو كل العالم باعني
كفايه عليه إني معاك
كفايه أحس إنك جنبي
كفايه أكون وياك

وأخر مرة أقابلك فيها كنت حاسسها أول مرة
نفس اللهفه ونفس الفرحة اللي قابلتك بيها زمان
طفل صغير شايف أمه وعينه بتسبق بالأحضان
ولما بتوحشني كنت أغمض بس ..ألاقيك جنبي في كل مكان
وإنت كمان كنت بتعمل زيي تمام
إتغيرت كتير يا حبيبي ومابقيتش أحسك زي زمان
آسفه أعذرني قلت حبيبي
قلبي نطقها قبل لساني وغصبٍ عنه مش قادر ينسى
ولا هيصدق إنك إنت بتقدر تقسى

لسه لما تشوفني قلبك بيدق بسرعة زي زمان
ولا لقيتلك حب جديد وحبي في قلبك موته شهيد
ومن غير ماتقول..
سيب عينك هي تقول
وخايف ليه من نظرة عيني؟؟
ولا خايف لا النظرة تطول!!
أخر حاجه كنت بحس اني هشوفها يوم في عينيك
هي الخوف
إتغيرت...
وجاى تترجاني حبيبي أنساك؟
ما إنت كمان مابقيتش حبيبي زي زمان!!
إتغيرت...
وبقولك حــاضـــــــر هنســـــــــــاك.

المنحــه يـــــا ريـس

2008-05-06T11:41:00.003+03:00

كل سنه في عيد العمال يمني العمال أنفسهم بالعلاوه التي ستغير مجرى حياتهم وتنقلهم من مستوي لمستوي تاني خالص زي الأولاني بالظبط....!

في عيد العمال جاء السيد الرئيس يبشرنا بالعلاوه وفجر المفاجأة في الحاضرين وقال ان العلاوه 30% ..هو قالها من هنا وأنا قلت يارب الأسعار ماتزيدش الا لما نلحق نصرفها حتي...! لكن هيهات (انسى يا عمرو).

مش فاهم الحكومه بتاعتنا دي بتفكر ازاي ده لو كانت بتفكر أصلا؟؟

امبارح السيد يوسف بطرس غالي وزير الماليه في البيت بيتك بيقول احنا زودنا أسعار الوقود وتراخيص السيارات والغاز الطبيعي (اللي بندعم بيه اسرائيل لمدة 20سنه) وكلام كتير كده. وطبعا يا جماعه انتوا عارفين ان ده كله ملزق في بعضه يعني لو زاد سعر البنزين والسولار والكلام ده ,السواقين هيزودوا الأجرة هما كمان؟

وبيقول" أنا كنت عامل حسابي ان أقصى نسبة للمنحه كان متوقعها واللي هو كان مجهز نفسه على أساسها بالعافيه على حد تعبيرة كانت 15% " المهم الريس خلاها 30% وبما ان الميزانيه مش مؤهله لده فهو ليه طرقه اللي هيدقر يوفر منها موارد . وتيجي تسأل أي حد في الحكومه يقولك " إحنا درسنا الموضوع وعملنا اللازم " لكن بصراحه الكلام بيعكس حقيقه واحده بس : هي ان الرئيس بيتصرف من دماغه ولا في دراسه ولا هجص ولا كلام من ده.لأنه كان المفروض يشوف أقصى امكانياتنا ايه ويقول على أساسها المنحهكام في الميه.

لكن هما بيعرفوا يصرفوا نفسهم كويس أوي ..المشكله بقه انهم حتى ما استنوش لغاية ما الشهر الجديد يبدأ .وزودوها قبل ما حد يتهنى بالمنحه.

والغريب ان أي حد في الحكومه والحزب الوطني حافظ نفس الطقم لما يتسأل أي سؤال يرص الكلام ورا بعضه على طول.ولازم أول كلامه يكون محدود الدخل عشان يبين انه مع المواطن الغلبان والكلام ده كله.

أنا عندي سؤال :هو ايه الفرق بين محدود الدخل والمتكسح؟

يعني محدود الدخل ده بالنسبه للحكومه هو البني آدم المتكسح اللي مابيخرجش من البيت ولا هما الناس الميتين ؟ ازاي يبقى همهم على محدود الدخل وهما عارفين ان زيادة أسعار الوقدود بيزيد معاها سعر أجرة المواصلات؟ده على أساس انه متكسح!؟

واللي يغيظ ان تمورة( تامر أمين) كان قاعد مع وزير الماليه كأنه كتكوت مبلول كل اللي عليه يقول أه وبس. لما وزير الماليه حس انه طالع رحله.

والله منى الشاذلي أرجل منه ..وعجبني كلمه اتقالت في العاشرة مساء إمبارح, قالها عضو مجلس شعب من المعارضه وأنا هختم بيها البوست ده.

الحكومه في مصر ماشيه بمبدأين؟

1-ليه المواطن ياخد أكتر لما ممكن ياخد أقل؟

2-عيش اللحظه(يقصد ان مافيش تخطيط ولا كلام من ده )

جبـت هديـه للريـس؟؟؟ إنطق

2008-04-30T20:16:00.004+03:00

جبت هديه للرئيس في عيد ميلاده ..؟

طيب تفتكر في هديه تليق بمقام الرئيس اللي بقاله 27سنه بيحكمك وبيشكمك؟

تتفتكر ايه هي الهدايا اللي بتيجي للرئيس في عيد ميلاده؟

عربيه ..عنده طبعا أمال هو بيركب تاكسي يعني؟

فيلا ..عنده في كل مكان في مصر فيلا؟

ساعه ..وهو محتاج يعرف الوقت ليه؟ هو مواعيده مظبوطه (انت فاكره زيك).

تورتايه..ليه هو زيك (طفس)؟

إضراب..خلاص حركة كفايه سبقتك وهتحتفل بيه بطريقتها .

أغنيه .. شعبولا بيعمل أغنيه أهه وهتنزل قريب وهتكسر الدنيا.

**شعبولا كان عمل أغنيه قبل كده عشان يغنيها في فرح جمال مبارك لكن للأسف ماحدش دعاه, وهو واخد على خاطره على فكرة ,وعزاؤه الوحيد انهم كانوا جايبين D.J وتقريبا عشان كده ماتعزمش . وهو كان عمل أغنيه للريس السنه اللي فاتت بمناسبة عيد ميلاده الواحد وعشرين وقال فيها:

"عيد سعيد يا ريس يا وش الخير والنصر.. ربنا يحميك ودايما تعلي اسم مصر... إييييه .. وقتك ضايع في شغلك مبتحسبش الساعات..دايما شباب ودايما همة وكلك نشاط، علشان انت إنسان كويس من كل الناس محبوب .. رمز السلام يا ريس وبتكره الحروب.. ايييه".

وأنا من موقعي هذا بقوله صادق يا شعبولا وأنا أؤيد كلا الــــــ اللي انت قلته ده.و ولا يهمك يا شعبولا انا و كل شعب مصر متعزمناش على الفرح.

هااااا...فكرت ولا لسه !!!

انت حر يا عم بس استحمل بقه زعل الريس منك وهيقول انك ماعبرتوش ومابتحبوش وطبعا انت عارف زعل الريس وحش؟

أنا شخصيا لقيت قصيده حلوه كده لسيادته وهي من تأليف الشاعر على سلامه ويارب تعجبه؟

أنا المواطن نقط نقط نقط ...

ولا بتهان ولا بسكت زى زمان...

أنا بصرخ وأكتب وأبعت وأتكلم ...

وأسمع بقى يا معلم ...

أنا المواطن نقط نقط نقط....

رقم قومى نقط نقط نقط...

محل الأقامة نقط نقط نقط بجوار البنزينة...

بصراحة...

حرام تعملوا فينا نقط نقط نقط ...

وتطلعوا نقط ونقط أهالينا ...

عملتوا انتخابات وكلها نقط نقط نقط ...

وشيلتوا وحطيتوا حاجات نقط نقط نقط ...

بصراحة ...

أنا بقيت قدام مراتى حاسس انى مش نقط خالص ...

وأقوللها نفسى أبقى نقط بجد ...

تقولى يا اخويا ماتحرقش دمك محدش بينفع حد...

حسك ف الدنيا ...

بكرة تبقى نقط نقط نقط ....!!!

إمتـحــان اجـبــاري 2

2008-04-20T09:19:00.005+02:00

من قصيدة (أواخــر الـشـتــا) للشاعرة:إليسا أبو ماضى

السؤال الثالث:

على سهوة ليه الدنيا بعد ماعشمتنا
وعيشتنا شوية رجعت موتتنا
والدنيا من يوميها ياقلبى عودتنا
لما بتدى حاجات قوام تاخد حاجات

أجب عن الأسئلة التالية:

1- اشرح الأبيات شرحًا مفصلا باختصار.
2- أيهما أفضل (ياقلبى) أم (يانضرى)؟ ولماذا؟
3- يتضح فى الأبيات أن (الدنيا ملهاش أمان .. خالص). وضح مستدلا على ما تقول.
4- استخرج من الأبيات مايدل على:

*عشمنى بالمحبة وشعلقنى بالهوا، حايلته حبة حبة زودها واتلوى.
*زألطنى الحب زألوط، نمت فى بنها صحيت فى أسيوط.

5- اختر الإجابة الصحيحة مما بين الأقواس:
-(على سهوة) تفيد: (السرعة - العجلة - الموتوسيكل الهندى*التوك توك*)

-(عيشتنا - موتتنا) تفيد: (التضاد - التأكيد - الحيرة فى اتخاذ القرار فى السقعة)

-كلمة تؤدى معنى (شوية): (بعضشى - حفان - قيمة مقطف)

-المقصود بـ (يوميها) فى الأبيات: (يوم العاركة - يوم الخناقة - يوم الكرامة)

--------------------------------***-----------------------------

السؤال الرابع:

وسط الشوارع ناس كتيرة مروحين
والناس ياقلبى هما هما وهو فين
وأنا ماشية باتلفت وباسأل كل يوم
بيعمل إيه دلوقتى وبيحلم بمين

أجب عن الأسئلة التالية:

1- يتضح فى الأبيات الشوق اللهفة وتطلع الشاعرة لرؤية (اسم النبى حارسه). اشرح
2- يؤخذ على الشاعرة (وأنا ماشية باتلفت). وضح ذلك مبينًا مدى التعارض مع قواعد المرور.
3- فى الأبيات لوحة فنية رائعة للناس اللى مروحين والمطرة اللى خلصت - وبعد ما الخناقة انفضت قام شريف الظالم أفكار يا أفكار فين راحت أفكار؟! رد ابنه عليه ومنين ارتاحت أفكار ما انت السبب السبب يابا فرقت بين حبيبين آه يابا آه يابا على قلبك فرقت بين حبيبين أفكار كانت راحة ابنك وابنك كانت راحة أفكار.- نسيت كنت عايز أسأل فى إيه.
4- لماذا غضبت أفكار وتركت البيت؟ ولمَ كثر عتاب الابن لأبيه؟
5- ((حُذف من قِبَل الرقابة))

--------------------------------***-----------------------------

الإمتحان من كتب الوزارة ومن دليل التقويم بالنص ..وفي مستوى الطالب المتوسط

إمـتـحــان إجـبــاري 1

2008-04-14T17:09:00.012+02:00

من قصيدة (أواخــر الـشـتــا) للشاعرة:إليسا أبو ماضى

السؤال الأول:

كنا فى أواخر الشتا قبل اللى فات
زى اليومين دول عشنا مع بعض حكايات
أنا كنت لما أحب أتونس معاه
أنا كنت باخد بعضى واروح له من سكات

أجب عن الأسئلة التالية:

1- علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟
2- فى أى فصل من فصول السنة كتبت هذه القصيدة؟ (مستدلا على ما تقول)
3- علام يدل التعبير (أنا كنت باخد بعضى وأروح له من سكات)؟
4- أيهما أفضل (أنا كنت باخد بعضى) أم (أنا كنت باخد تاكسى)؟ ولماذا؟
5- اختر الإجابة الصحيحة مما بين القوسين:
-الجمال فى قولها (عشنا - معاه): (تصريع - جناس - حسن التفات)
-(روح له من سكات) المقصود بها: (دكاكينى - دحاليبى - ذرابيئى)
-مصدر كلمة (أتونس): (تَوَنًّس - تُونِس - تَنَاسَى)
-(زي اليومين )مجاز مرسل علاقته: (الكلية - المدرسة - الحضانة)

-----------------------********----------------------------

السؤال التاني:

والناس فى عز البرد يجرو ويستخبو
وأنا كنت باجرى وأخبى نفسى قوام فى قلبه
ولحد لما الليل يليل بابقى جنبه
وأفضل فى عز البرد وياه بالساعات

أجب عن الأسئلة التالية:

1- هات من الأبيات مضاد (النهار), وكلمة تؤدى معنى (معاه)
2- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك.
3- إلى أى مدرسة شعرية تنتمى الشاعرة؟ وما أهم سماتها؟ (بدون غلط)
4- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟!
5- أيهما أفضل (ولحد) أم (ولغاية)؟ ولماذا؟

----------------------********----------------------------

إن شاء الله في البوست الجاي هتتسألوا في الكوبليهين اللي بعديهم ياريت تذاكروا كويس وماحد ينسى كراسة الاكسرسيز؟

صــور مـن الإضــراب

2008-04-07T01:38:00.018+02:00

وسط تعتيم إعلامي من قبل حكومتنا -لإجهاض الإضراب الذي إتفقت عليه قوى الشعب للمطالبه بمنع الفساد والغلاء- خرج يوم 6 أبريل ليعبر عن نفسه في شوارع مصر متظاهراً ضد حكومه لا تمتلك القدرة على توفير أبسط إحتياجات ذلك الشعب .أو أنه ظل في بيته معتصما أو خائفا من بطش حكومتنا به, حتى أصبحنا نخاف من بلدنا ولا نشعر فيها بالأمان الذي دائما مايذكرونا به في إعلانات "مصر بتتقدم بينا" المستفزة.
وكأننا نعيش في بلد آخر غير مصر أو أننا لسنا مصريين ؛ لذلك لا نشعر بذلك التقدم الذي نسمع عنه ولا نراه بينما يقولون هما أنه واقع نعيشه ونلمسه. وعلى النقيض فالواقع أكثر مرارة مما يتصورون .
أو أن كلمة بتتقدم لا يقصدون بها التقدم الذي نعرفه جميعاً ولكن هو تقدم نحو الفساد,نحو كل ما هو سلبى في المجتمع. فما فائدة ذلك التقدم المزعوم الذي لانستطيع أن نوفر معه رغيف العيش؟؟

قالت حكومتنا عبر وسائل الإعلام أن اليوم هو يوم طبيعي جدا ليس به شيئا ..وأن مصر بخير كعادتها!؟ عموما لن أطيل عليكم وهذه صور من الإضراب وأعتقد أنها كافيه ولا تحتاج للتعليق عليها.

أماكن التجمعات في المحافظات

2008-04-04T11:11:00.003+02:00

أماكن التظاهر المتفق عليها
الجيزة : شارع المحطة بعد مجمع المصالح امام فرن المؤسسة2 ظهرا
المنوفية : ميدان شرف 11ص
الاسكندرية : محكمة الحقانية بالمنشية 11ص
البحيرة : دمنهور – ميدان الساعة 2 ظهرا
القاهرة : ميدان التحرير 11ص
قنــــا : امام مسجد سيدى عبد الرحيم القناوى 11ص
المنصورة :(مبنى المحافظه) بجوار جامع النصر امام عوض الله 12ص
بورسعيد : ميدان الشهداء – عند المحافظة11ص

الشرقيه : ميدان المحطه 11ص

و ستبدأ الوقفات الإحتجاجيه الساعه الحاديه عشر و تستمر طوال اليوم فى أسلوب متحضر محترم بدون أى سلوك أو ألفاظ غير لائقين و خيار التظاهر مفتوح لمن يريد...

إضراب إبريل ولا كذبة إبريل

2008-03-30T12:47:00.011+02:00

بصراحه كنت متردد بين فكرتين قبل ما أكتب البوست ده ..ياترى يا واد يا صالح تكتب عن كذبة إبريل ولا عن إضراب إبريل, وبعدين مش عارف الشيطان وسوسلي ولقيتني بقول يا خوفي ليكون إضراب إبريل هو نفسه كذبة إبريل (اللهم إخزيك يا شوشو) ..عموما أنا قررت أكتب عن إضراب إبريل لأنه أهم طبعا...

شوفوا بقه أولا فكرة الإضراب دي كانت بسبب إضراب عمال غزل المحله للمطالبه بحقوقهم الاقتصاديه وبعدين إتحولت الفكرة لغاية ما بقت حركة سياسية عامه, وده لما قررت مجموعة من أهم القوى والأحزاب السياسية إعلان يوم 6 إبريل 2008 يوم الغضب الشعبي .بعد ما كان مجرد إضراب لعمال شركة غزل المحله ,لكن الشهاده لله عمال غزل المحله ماكانوش بيطالبوا بالبدلات وزيادة الأجور ليهم وبس لكن لكل فئات وطبقات الشعب المصري ومن هنا بقى شعارهم" التغيير السياسي".

أحزاب الكرامة وكفاية والوسط والعمل وحركة موظفى الضرائب العقارية وحركة إداريى وعمال القطاع التعليمى ونقابة المحامين وحركة عمال المطاحن( ونحن فى انتظار رد ايجابى ان شاء الله من الاخوان المسلمين الذين كان يمثلهم فى الاجتماع السيد الكتاتنى رئيس الهيئة البرلمانية) وافقوا على التضامن مع حركة عمال المحلة، وإعتبار يوم الاحد 6 إبريل 2008 يوما للغضب الشعبى ضد النظام الجائر.

الإحتجاج مش بس هيكون على سوء الأوضاع في مصر وإنتشار الفساد, لكن هيكون كمان إحتجاج على سياسة الدولة الخارجيه زي مواقفها من غزة ده لو كان ليها موقف أصلا ومن القضية الفلسطينيه وتصدير الغاز الطبيعي لإسرائيل بأرخص ثمن والتمسك المميت بإتفاقية كامب ديفيد وموقفنا من المقاومه الأفغانيه واللبنانيه والعراقيه. من الآخر كده عاوزين نعرَّف الحكومه إننا فاهمين كل حاجه ومن هنا ورايح مش هنسيب حقوقنا تضيع .

وده طبعا غير مطالبنا إحنا واحتجاجنا على سياسة الدوله في الداخل وخد عندك يا سيدي...

عايزين مرتبات تعيشنا .................. مش عايزين رفع أسعار.

عايزين نشتغل .......................... مش عايزين محسوبيه.

عايزين تعليم لأولادنا .................... مش عايزين ظباط بلطجية.

عايزين مواصلات آدمية.................. مش عايزين تعذيب في الإقسام.

عايزين مستشفيات تعالجنا .............. مش عايزين أتاوات.

عايزين دواء لأطفالنا ................... مش عايزين فساد.

عايزين قضاء منصف .................. مش عايزين رشاوي.

عايزين أمن وأمان...................... مش عايزين إعتقالات.

عايزين حرية وكرامه .................. مش عايزين تلفيق قضايا.

عايزين شقق للعرسان.................. مش عايزين إنتهاك لكرامتنا.

أما المطلوب منك بقه إنك تبلغ أصحابك عن الإضراب وتقول لهم إننا عاوزين نكون إيجابيين مرة واحده على الأقل. وهنعمل إضراب عن العمل أو الدراسه وتشارك في المظاهرات السلميه وتطالب بحقوقك .

الإضراب هيكون في كل محافظات مصر .

إن شاء الله في البوست الجاي هعرفكوا أكتر عن الإضراب وعن أماكن الإضراب في كل المحافظات .

"شارك ...إتغير ... غيَّر مصر للأحسن"

وإنت رأيك ايه في فكرة الإضراب .. ولو فكرت تشارك ياترى هتطالب بإيه..!؟

مصــر بتتقــدم بينــــا

2008-03-23T13:44:00.011+02:00

هي بلدنا مشكلتها إيه..؟عمرك فكرت في السؤال ده؟

طيب حتى لو فكرت في مشكلتها ..!ياترى لقيت لمشكلة بلدك حل؟ ممكن واحد يكون جاي من كوكب تاني يقولي مافيش مشكلة!

عموما هو غلبان برضه وأنا هختصرله أخر الأخبار في الكام سطر الجايين دول....شوف ياسيدي....?

من كام شهر كده أساتذة الجامعه عملوا إعتصامات عشان عاوزين كادر هما كمان لأن قبلهم المدرسين إعتصموا عشان نفس الموضوع برضه وقبلهم عمال بعض الشركات الحكوميه عملو اعتصامات كتيرة برضه عشان نفس الموضوع ومواضيع تانيه زي ان الدولة عاوزه تبيع الشركات دي وترحل العمال دول.. يقعدوا في الشارع بقه أو يشحتوا حكومتنا مالهاش دعوة بحاجه من دي؟

المهم انك تقدر كل يوم وإنت صاحي من النوم تسأل أي حد هو النهارده إعتصام مين؟ وهو هيقولك على طول..

ولو كنت عاوز تعتصم فللأسف لازم تحجز من دلوقتي عشان مش هتلاقي يوم فاضي لمدة سنه قدام....يا راجل دي الحمير والكلاب (لا مؤاخذه) هتعتصم هي كمان خايفين على نفسهم وليهم حق.. لان الناس من كتر جوعها بدأت تاكل الحمير والكلاب (يع..!) .

وده طبعا غير مشكلة رغيف العيش اللي مش لاقيينه واللي بقينا بنقتل بعض في طوابير العيش عشانه..وده بترجع أسبابه لأن أصحاب المخابز بتبيع الدقيق لأصحاب المحلات بتاع الجاتو وده طبعا عشان الشعب يحلي ويتزبط أصدي يتفتوتر.

أه كنت هنسى... في كام واحد كده انتحروا بسبب غلاء الأسعار..بس مش مهم في غيرهم كتير.

طبعا دي كلها حاجات بسيطه كده, لأني لو فتحت في الكلام مش هخلص كتابه من هنا ليوم القيامه العصر.... .

أنا بيني وبينكوا فكرت (مش عارف ازاي بس ده اللي حصل وماتفتنوش عليه لأن التفكير في مصر تهمه عقوبتها مؤبد وانت طالع أمال هما بيأكلونا حمير ليه).. فكرت في مشكلتنا لقيت ان هي مشكلة إدارة لأني شايف ان الشعب المصري ده شعب مطيع جدا وممكن يعمل أي حاجه لو حس ان ده في مصلحته..يعني كل كام سنه تسمع عن تعديل وزاري و الغريب ان الحاله من سيئ الى أسوأ يبقى سياتك العيب مش في الوزيز بقه ..طيب ممكن..! لو ممكن يعني نغير الرئيس نفسه يمكن ربنا يكرم..؟ ويتصلح حالنا

عشان بجد البلد بتضيع واحنا الشباب يعني اللي هندوق مرارة ده كله لأن أبويا وأبوك لما لقوا البلد بتتنهب وشافوا بعنيهم ان مصر بتتسرق عيني عينك ماحدش قام وقال لأ وهنيجي في يوم نستلم البلد خرابه .

طيب خليني أسألك سؤال يعني ايه رئيس يفضل يحكم دولة لمدة 25سنه مش ده معناه انه ملاك نازل من السما أو إن مصر تعداد سكانها نسمه واحده بس؟ وان أنا وانت من بلد تانيه !

أنا شاب مصري عارف ان مستقبلي يا بيضيع يا ضاع قبل حتي ما يبدأ.. كلنا شايفين اللي بيحصل حوالينا ولازم يكون في حل .

اللي يدايق وينرفز الإعلانات اللي بتقولك مصر بتتقدم بينا ويكأننا عايشين في بلد تانيه خالص آه والله لكن عذرهم الوحيد إن الشعار ناقص أيوه ناقص هي بتتقدم ما قلناش حاجه بس بتتقدم علي فين انشاء الله.... ماحدش عارف؟؟

وانت بقه شايف مشكلتنا إيه.. وحلها ايه؟

الفرخة وقعت في البير..!!

2008-03-23T00:32:00.002+02:00

لقي ستة أشخاص مصرعهم من قرية نزلة عمارة مركز طهطا مصرعهم بينهم اربعة أشقاء ,لمحاولتهم إنقاذ فرخة سقطت في بئر ماء..!!

هكذا نشر الخبر في معظم صحف الصباح ونشره علي تلك الصورة يوحي ببلاهة الستة مواطنين الذين فقدوا حياتهم من أجل فرخه خاصة إنهم صعايده ومن سوهاج والإحساس ببلاهة هؤلاء الأشخاص أو بعبثية السلوك غير المفهوم للمفقودين مفجع.

لأنه عندما لايفهم نصف القوم سلوك النصف الآخر لنفس القوم,نكون قد صرنا شعبين يعيشون على أرض واحده.هذا مانعنيه بالإغتراب حيث يصبح سلوك المجتمع غير مفهوم لأفراده لطول الإبتعاد الطبقي والمسافات الإجتماعيه الجغرافيه.

أما أنا الحزين لفقد هؤلاء البشر_ومعظمهم من الشباب وإثنان منهم تجاوزا الخمسين_فبدون أن أاهد الواقعه فأستطيع أن أرسم السيناريو الكامل لها لنرى هل يستحق الأمر السخريه أو الإحساس بالمرارة؟ وهل هؤلاء البشر بلهاء فعلا ؟أم أننا قتلناهم بأيدينا مع سبق الاصرار والترصد؟

وهل يجب أن نسخر من سلوكهم أم يجب أن نحس بالعار لأننا دفعنا بهم دفعا الى الموت ثم وقفنا نبتسم...؟؟

مـــــــــــــــــــــــــــــاء

تفخر الدولة ووزراؤها بأنها أدخلت الكهرباء والمياه النقيه الى القرى,وذلك حدث في وقت طويل. لكن ليس معنى دخول الماء والكهرباء القريه أنها دخلت البيوت فعلا. مازالت الغالبيه من تلك البيوت تطلق عليها التسميه من باب المجاز,فلا الجدرات تحتمل دخول الماء ولا الدخول قادرة على تكلفته

أغنية Hero لـ Enrique Iglesias

2008-03-18T16:07:00.009+02:00

Would you dance if I asked you to dance

سترقصين لو أني طلبت منكِ أن ترقصي ؟

Or would you run and never look back

أم أنكِ ستهربين مني ولن تلتفتي إلي ؟

Would you cry if you saw me crying

وهل ستبكين لو أنكِ رأيتني أبكي ؟

And would you save my soul to night

وستنقضين روحي هذه الليلة

Would you tremble if I touch your lips

هل سترتعشين لو أني لمست شفاكِ

Or would you laugh? Oh, please tell me this

أم ستضحكين لي... أرجوكِ أضحكي.

Now wouldn't you die? For the one you love

وهل لك أن تض حين من أجل من تُحبين ؟

Oh….hold me in you arms to night

فضميني إلى صدرك اللـــــــــــيـلة

I can be your hero baby

أستطيع أن أكون بطلك

I can kiss a way your pain

وبأ مكاني تقبيل خطى الألم منكِ

I'll stand be you for ever

وسأقف إلى جانبك للأبد

You can take my breathe a way

فأنتِ من يستطيع أخذ أنفاسي بعيداً معه

Would you swear that you'll always be mine

هل لكِ أن تحلفي بأن تكوني لي وحدي?

Or would you lie? Would you run and hide

أم انكِ تكذبين وتريدين الهروب والاختفاء عني

Am I in too deep? Have lost my mine

ألم أعد في أعماقكِ ؟ أم أني فقدت عقلي !

I don't care you're here to night

لم أعد أهتم بوجودكِ معي ولكن

I can be your hero baby

أستطيع أن أكون بطلك

I can kiss a way the pain

وبأ مكاني تقبيل خطى الألم منكِ

I'll stand be you for ever

وسأقف إلى جانبكِ للأبد

You can take my breathe a way

فأنتِ من يستطيع أخذ أنفاسي بعيدا معه.

لم أعد أفهمني؟؟

2008-03-15T23:03:00.012+02:00

لم أعد أفهمني...؟
فرغم كل المحاولات التي قمت بها ورغم إلحاحي الشديد كي آخذ فرصتي وأتحدث إليها وأبوح لها بما يجتاح قلبي وما أشعر به ,
إلا أنني وفي كل يوم يزداد يقيني من حقيقه واحده وهي أن الأحلام من البديهي ألا تتحقق ومن الضروري أن تقهرها كوابيس أعدها لنا القدر.
أما اذا حدث العكس فهذه ظاهرة نادرة ولن تحدث فلا تنتظرها..

كنت علي درجة من الثقه تجعلني (إن كنت شخصا يفكر بعقله قبل قلبه)أبتعد ونهائيا عن H فهي كالشمس قد تظل أنت تدور حولها لآلاف السنين مثل الكواكب .
وفي النهايه تجد نفسك مستيقظا علي كابوس مزعج لترى نفسك في نفس المكان الذي كنت فيه قبل أن تشرع في حبها.وأنك لم تقترب ملليمترا واحدا.

لكن علي الرغم من ذلك كله... فأنا لست نادما علي مافعلت (ما فعلت هو أنني إستطعت أن أحصل علي هاتفها وكنت أرسل لها الرسائل لأعبر لها عن حبي ولكن هيهات يا ولدي أو إنسى يا عمرو فهي لم ترد وتركتني أحترق بنيرانها وقد إستمر ذلك لفترة ليست بالقصيرة)

كما أنني لن أقول انها لا تستحقني أو أغير رأيي فيها كما يثور الجهلاء عادة!!
فللأسف هي تستحق من هو أفضل مني بكثير.
رغم أني لا أعتقد أن أحدا كان ليحبها مثلما أحببتها أو ليقدرها كما أقدرها. وستظل ذلك النموذج والمعيار الذي أقيس به رقة وأناقة وإحترام الفتاة لنفسها قبل الآخرين.

ولا أظنني سأنساها أو أفكر في نسيانها.فهي ذكري جميله بل وفخرا لي أنني عندما أحببت ..أحببت ذلك الطراز الفريد من النساء الذي نادرا ما تراه عيناك ...أحببت H .

وهذه قصيدة كتبتها لأعبر فيها عن ما حدث وما كنت أفكر فيه.......

قررت أنساكي..

قررت أنساكي لكن ما قدرتش..

وقلت هحاول أنسى هواكي..

وياريتني نسيت..

قلت أنا هقدر أنسي وأهجر..

وأقتل فيه غيرتي عليكي..

ولما قابلتك ماقدرتش أصبر ..

ولقيت أنا قلبي بيجري عليكي..

أيوه ضعفت...

وأعمل ايه مــا أنا قلبي معاكي؟

*****

كنت أسيــــر..

هما عيونك دول أسروني..

ولا هدوئك ويا سكوتك..

دول ياما كتير شغلوني..

وإفتكروني شفتك يوم ونسيتك بعده..

وغصب عني لقيتني بحبك..

وبشوف جنتي في عينيكي..

*****

كنت بحس

أنك جوه القلب .. قلب بينبض..

وكل دقه بتوعد قلبك ..

وتقوله ان أنا عمري ما هقدر أبعد..

أيوه بحبك كنت بعيش..

ورسمتك جوه الدنيا نجمه بعيده..

علشان حتى في أحلامي كنتي بعيده..

وكنت بحبي بقرب منك ..

*****

ولا عمري حلمت إنك بيه في يوم هتحسي..

ولا بحسي هقدر أقولك اني بحبك..

وساعتها ..

قررت أنساكي ..لكن ماقدرتش..

وقلت هحاول أنسى هواكي..

وياريتني نسيت..

من يومياتي...

صبيحة يوم الاثنين 9/نوفمبر/2157

2008-03-11T00:40:00.011+02:00

-ميدو: إمبارح يا نوءة كنت تعبان وعاوز أنام المهم اتكيت علي زرار النوم وقلت اناملي ساعتين كده وقلت للأنسان الالي يصحيني لكن الحيوان صحاني بدري 3 فيمتو ثانيه؟

-نوءه: إيه ده بجد ؟وعملت معاه ايه؟؟

-والله أنا قلتله لو عمل كده تاني أنا هغيره من مصنع الروبوتات اللي فالشارع اللي جنبنا؟

-عندك حق .. أنا اللي امبارح ادايقت شويه من الكلاتاتا(اختراع جديد بيعمل كل حاجه) أتكيت عالريموت عشان يرقصلي شرقي رقص ماكارينا بجد حاجه تخنق

- لأ أنا بقه مراتي دايقتني امبارح

-مين فيهم؟والله مش فاكر هي السبعتاشر تقريبا

-أه بقت حاجه تلخبط بس هما اتعودوا ومش بيزعلوا

- مش يحمدوا ربنا اننا لميناهم

-أه فعلا ..لكن عرفت ان المفتي قال بما إن عدد النساء لسه في تزايد مستمر فحلال انك تتجوز 30مش 25بس؟

-لأ ... والله مش عارف نعمل ايه فيهم المشكله ان انا بنسي احيانا البيت فين

- أه انا كمان ؟ بس أنا مش متخيل ازاي أيام زمان أيام 2008 كده كان الراجل هو اللي بيشتغل ويجيب شقه والست يادوب تساعده

-أه فعلا كانوا بيتعبوا لكن دلوقتي الستات بيشتغلوا ويجهزوا نفسهم وييجوا يطلبونا للجواز

-الزمن بيتغير يا نوءه

-معاك حق

-أنا ماقلتلكش علي اللعبه اللي مراتي أشترتهالي امبارح عشان اديها بوسه؟

-لا ؟

- جابتلي بلاي ستيشن 65

-إيه ده بجد؟ هو نزل فعلا

- أه يا عم ده مش بيخليك تنزل تلعب بس ده بيعمل حاجات أحسن كتير؟

-إزاي يعني؟

-يعني لو بتلعب انت وصاحبك اللي في تيجون(دوله جديده ماعرفهاش) وحبيت تتفق معاه علي حاجه مش لازم تقوله هو البلاي ستيشن بيعمل كده من نفسه

-أه فعلا دي ميزه جديده .

-انت متابع الأخبار بقه ولا ايه ؟

-أه امبارح شغلت الكلاتاتا علي قناة الفطيرة وتابعتها شويه

-وايه رأيك في موضوع أمريكا ؟؟؟

- والله صعبانين عليه بيقولك الماعونات اللي الصومال بتديهالهم مش كفايه؟؟

-أه فعلا أمريكا شعب كبير و60 ديشليون جنيه مش كفايه(الدشليون ده فلوس كتيرة أوي)

-وشفت المذابح اللي اسرائيل عملتها في فلسطين؟

-اه كانوا بيكلموا عنها امبارح في جامعة الدول العربيه وقالوا انهم لازم ياخدو موقف وان قراراتهم لازم تكون حاسمه المرة دي؟

-فعلا الأيام دي العالم كله بيتغير بشكل سريع جدا

-معاك حق بس انت شكلك مش متابع أخبار مصر؟

-أه مش أوي

-بس انا امبارح فتحت الكلاتاتا (اللي بيعمل كل حاجه) ولقيت المذيع بيقول..وهكذا يؤكد الشعب المصرى حبه وتأييده للسيد الرئيس أبو جمال وهم يهتفون قائلين نحن نؤيد ونبايع السيد الرئيس أبو جمال لفترة رئاسه جديده !!

-وبعدها طبعا اشتغلت أغنية اخترناه.. اخترناه

-إيه ده ما إنت عارف اهه ..!؟

أمثال فكاهيه ألذ .. ألذ.. ألذ

2008-03-06T17:52:00.004+02:00

اللى بيته من إزاز ميغيرش هدومه فى الصالون

لو حبيبك عسل ما تحطلوش طحينة

فاقد الشىء يدور عليه

اقلب القدره على فومها الفول يقع منها

تأتى الرياح محمله بالأتربة

ياخبرالنهارده بفلوس بكره ينزل عليه أوكازيون

اللى معاه قرش محيره يجيب حمام ويحمره

جت الحزينه تفرح شغلت شريط حكيم وقعدت ترقص

قال يامحشحشين يكفيكوا شر الكمين

للى ياكل لوحده يشبع

لاتبكى على اللبن فى البسكوت

اقطع عرق و حته بتلو

اطبخى ياجاريه الأنبوبه فاضيه يا سيدى

اللى يتلسع من الشوربه يتصل بالمطافى

وبكره ترجع ريما من عند خلتها فى مارينا

ياداخل بين البصله وقشرتها حط قطرة علشان هادمع من ريحتها

اصوم اصوم وافطر على المدفع

القرش الأبيض بيعوم فى البحر الأحمر

ضربوا الأعور على عينه قالهم كسرتوا النضاره

اللى ميشفش من الغربال يكشف نظر

المال السايب يعلم الطلبه

نام وارتاح وكل عسل نحل التمساح

من خرج من داره مينساش يأخد المفتاح معاه

الباب اللى يجيجلك منه الريح شيله وركب قبنورى

المضطر يركب التاكسى

رب صدفة خير من ألف ليلة و ليلةوفات الميعاد

اللى يخاف من العفريت يعمل عبيط

المركب اللى فيها رايسين يلعبوا طاولة

اللى خدتوا الأرعه تخدو ام الخلول

اللى ميعرفش يقولwhat

أكل العيش يحب الطعمية

العين عليها lenses

قالو للحرامى أحلف قالهم وحياة قلبى وأفراحوا

آراء أعجبتني

2008-02-29T15:55:00.012+02:00

النهادره هكتبلكوا شوية اراء عجبتني ويارب تعجبكوا......

*خرجت حواء من ضلع الرجل لتحطم باقي الضلوع..

*الشيطان استاذ الرجل تلميذ المرأة..

*اذا اردت ان تعرف مساوئ المرأه فتزوجها(بس خد احتياطاتك برده)..

*عندما تتكلم عن نفسك لامرأة فسيسعدها حديث أموالك..

*الاطفال..يجدون ماما قليلا,بابا كثيرا,الاثنين معا؟؟؟نادرا..

*الجواز..واحد يصفق والثاني يرقص وآخر يلطم..

*الزواج للرجل ..يدفع المهر, يتمتع شهر, يتعذب باقي الدهر..

*لا يغرك من الثعبان ملمسه..كله فاهم اصدي طبعا!؟

دلوقتي بقه هكتبلكوا عن راي الاستاذ أنيس منصور في المرأة

*أسرع وسائل الانتشار في العالم‏:‏ التليفزيون والانترنت والتليفون‏..‏ والمرأه‏.

*مخيف‏:‏ جيش من النساء يقوده رجل‏..‏ مخيف جدا‏:‏ جيش من الرجال تقوده امرأه.

*لن تندم كثيرا اذا أحببت أي شئ غير المرأة.

*المرأة عندما تطلب النصيحة.فانها تريدك ان توافقها رأيها.

*ملكات جمال الكون كلهن من كوكب الأرض.

*آخر مايموت في المرأة لسانها.

*أسوا مافي الحب المرأة.

*الفتاة تفضل أن تتزوج رجلا مثل والدها وهذا هو سر بكاء الامهات ليلة الزفاف.

*هناك فرق بين المرأة والكمبيوتر:اذا أخطأ الكمبيوتر فانه لا يلوم أحد غيره .

********************

دي كانت أراء الاستاذ أنيس منصور في المرأة لكن أنا ليه رأي خاص جدا ومختلف تماما هو انك ياريت تتجنب المرأة خالص.

وعشان ما أكونش ظلمت حد أحب أعرف رأيكم في الكائن اللطيف الوديع اللي هو الراجل يعني....؟

عم موسى

2008-02-25T00:39:00.001+02:00

عـم موسـى راجل بسيط ...لا ليـه في الطــور ولا في الطحيــن

حب يقرب من ربنا قام دخل في سين وجيم وفضلت عليه العين

قال يعيش علي السنة ويربي دقته وكانت غلطه دفع تمنها سنين
ولما كان لابيصلي ولا بيصوم ولا يعرف طريق القبلة فين
لا حــد قالــه رايــح فين ..ولا حــد قـاله جاي منين
المهم بهدلوه وفي السجن دخلوه ..ولا هو عارف التهمه فيــن

ومقضيها يوم في الحبس ويوم في امن الدولة والناس تقول يا حرام مسكين
بعد شهريــن رجـع عـم موسـى, لكن يا خسارة بعيــن وعيــن
سألناه :إيه حصلك يا عم موسي.. قال: إن قلت هيروحو الاثنين
لكن برضه عم موسي صبر مايأسش وشكا أمره لرب العالمين
ورجع الشغل لقاهم رفدوه ..وولاد الحلال ساعدوه بس الأجر يادوب قرشين
عم موسي فضل يفكر ..وفي الآخر قرر يشتغل شغلانتيــن
لكن الحكومة وراه وراه.. لأ وحطوه في قايمـة المطلوبيــن
كل يوم والتاني ياخدوه وفي البكس يدخلوه ومانشوفوش غير بعد شهرين
زهق صاحب الشغل منه وقاله ماشوفش وشك من هنا ليوم الدين
روح عم موسي ودمعته علي خده ليه حق والله يروح حزين
علـى حـال الدنيـــا ..وحــال كــل البني آدميــن
ليـــــــه ساكتيـن مع إنهم عارفيــــن... طريق الظلم فيــن؟؟؟

من هنا ومن هناك

2008-02-24T16:06:00.000+02:00

من هنا ومن هناك كل يوم نسمع خبر..ساعات كتير بنصدقه وساعات كتير نقول ده كله كدب...

ساعات بنفرح وساعات بنحزن لكن المهم إننا بنحس حتي لو ماحدش سامعلنا حس..كتير أقول هو أنا حظي ليه في الدنيا دي قليل وكتير من كتر حظي أحس إني ولي من الأولياء الصالحين...

وفي النهايه إحنا بشر أوقات نشوف في الورد لونه وبهجته وكتير مابنشوفش فيه غير شوكه وقسوته...
ما إحنا كده ساعات نكون أشرار والظلم لينا حلال وساعات من طيبتنا نكون أطفال...
أصل الحياة كده.. فيها البشر أشكال وكل ساعه في حال...

وعلي رأي اللي قال:

مع إن كل الخلق من أصل طين
وكلهم بينزلوا مغمضين
بعد الدقايق والشهور والسنين
نلاقي ناس أشرار وناس طيبين
عجبي!!